樂心冰室

营业中

休息中

今日去咗铜锣湾开会，开完会已经十二点几。唔熟呢头兼唔使出钱，被带咗去一间叫乐心冰室嘅茶记。一入到去我话三位，搭咗去一张长枱，咁都唔紧要。另外两个食紧烟，我坐咗唔够一分钟，有个呀生一位入黎，店员叫佢搭埋黎。我话我三位㖞，佢话繁忙时间系咁啦，我话坐唔落呢，佢系都叫呀生坐落黎，我即刻想走人唔食！ 呢个时候两个朋友入黎一见咁嘅情况，就话三位去咗另一张枱...如是者就叫野食啦，开得起呢度又叫冰室都唔慌好野，叫个捞丁应该冇伏挂。放是叫咗咖哩腩捞丁同冻柠茶少甜少冰。一望见碟捞丁我当堂吓咗跳，然后得啖笑...系一碟丁面+水汪汪嘅咖哩+白灼牛腩同薯仔...冇错，佢地只系将四样野摆埋一齐就上比人食，毫无煮食意义。一食落去，各自有各自味道，毫不相干，水汪汪，淡而无味。咖哩冇咖哩味，佢想整马来咖哩，一来底料唔够，二来加水翻煮得太多，变到水咁牛腩同薯仔都冇炆过，一睇就知过水白灼完备用咗好耐...因为太饿关系食咗几啖，如果唔系真系食一啖都唔要...至于柠茶，少甜都甜死人，味道平庸，不过不失。如果柠檬茶都可以难饮，我真系唔知佢点可以经营落去成七十蚊真心觉得比贵廿蚊过附近就拉面好过呢碗所谓捞面多多声...正宗比钱买难