吉豚屋吉列豬扒專門店

营业中

休息中

今日同男朋友系旺角谂唔到食咩，行过见到呢间吉猪店，之前都系其他地方食过，记得都ok既就入去食啦。好过食茶记咁闷😌我叫左个经典既吉列猪扒定食，比想像中大份黎到先记得有椰菜可以落芝麻酱食，都几好可以换下口味唔洗咁斋。吉列猪扒就so far so good啦，而呢个价钱黎讲我觉得交左功课，系岩岩炸起，脆口👍🏻值得赞下个味僧汤，好足料👍🏻又唔系死咸，饮左都唔口渴，系我钟意饮既味僧汤男朋友就叫左吉列三重奏，有吉列猪柳、吉列虾同唐扬炸鸡🍗我称之为贪心小狗套餐😂咩都有啲不过佢碟野就唔系岩岩炸起，只系少少热。炸鸡相对黎讲都几好食，我钟意个皮硬硬地有少少咸香口，几惹味😆求其食黎讲呢间都几ok，下次无特别谂到想食咩，都可以再食下。