是但求其食 (已結業)

是但求其食餐厅气氛超好，一啲都唔是但，一啲都唔求其！餐厅环境简约有特色，暗蓝色调，墙身投射海洋动画，系chill嘅。虽然餐厅空间细啲，但都坐得好chill。而且位置算方便，朗屏站走过去都系5分钟左右。牛油果沙律好fresh好正！新鲜牛油果配上黑醋柠檬汁简直无得输特色酱烧猪肋骨这道菜出面比较常见，但系店员姐姐极力推介。但原来真系一试难忘。佢个汁真系特色酱汁，味道酸甜适中，十分开胃！火候亦控制恰如其分，磨合左酱汁同肉质嘅特色，变成左有自家风格嘅猪肋骨不错。明太子大虾意粉卖相好睇，食落好creamy，又唔会太腻，配上大虾同明太子，海鲜嘅鲜明味道令层次更上一层楼，令人喜出望外。 配左杯荔枝梳打，gur一gur佢，系正嘅！原来餐厅仲有Free Flow时段，两小时无限畅饮，任饮啤酒和红白酒。下次试！个人觉得整体感觉非常值得一试，价钱亲民，系一间下次会再黎嘅餐厅！