影片
更多
2024-05-25
81 浏览
Mansons Lot📍湾仔汕头街1-3号地舖又一个忙碌既星期过去，我同朋友趁周末前夕，约咗一齐食晚饭。今次我哋又去咗汕头街揾食，发掘到一间专门提供澳洲风味嘅cafe。佢哋主打all day breakfast，搭配多款pasta供以选择，无疑系一个轻松歇脚嘅好地方。我哋都好钟意cafe以黑白为主嘅装修，感觉简约而不失格调，加上黑胶唱片主题同朝啡夕酒嘅餐饮安排，坐得舒适又写意。 💰$108Smoked Salmon & Buffalo Cheese Omelette 🐟🧀🍳Omelette系呢度嘅招牌菜式，所以我同朋友都点咗份试试。馅料有蔬菜、芝士同海鲜等共8款配搭供选择，照顾到vegan同一般食客嘅饮食需要。另外，仲可以加配各式各样side dish，薯饼、炒蛋、炒蛋白、牛油果、鸡胸、软壳蟹、Parma ham⋯⋯选择非常丰富，令客人可以自组喜爱嘅配搭，享受另类嘅all day breakfast！不过我哋出晒名胃口细，所以我哋都只系单点咗一份烟三文鱼芝士omelette。Omelette份量好大，足足占咗餐碟一半，蛋色偏黄，蛋皮表面煎至金金黄黄，洒上香料、伴以多士同杂菜沙律，摆盘同
📍湾仔汕头街1-3号地舖
又一个忙碌既星期过去，我同朋友趁周末前夕，约咗一齐食晚饭。今次我哋又去咗汕头街揾食，发掘到一间专门提供澳洲风味嘅cafe。佢哋主打all day breakfast，搭配多款pasta供以选择，无疑系一个轻松歇脚嘅好地方。我哋都好钟意cafe以黑白为主嘅装修，感觉简约而不失格调，加上黑胶唱片主题同朝啡夕酒嘅餐饮安排，坐得舒适又写意。
[价钱 Price]
💰$108
Smoked Salmon & Buffalo Cheese Omelette 🐟🧀🍳
Omelette系呢度嘅招牌菜式，所以我同朋友都点咗份试试。馅料有蔬菜、芝士同海鲜等共8款配搭供选择，照顾到vegan同一般食客嘅饮食需要。另外，仲可以加配各式各样side dish，薯饼、炒蛋、炒蛋白、牛油果、鸡胸、软壳蟹、Parma ham⋯⋯选择非常丰富，令客人可以自组喜爱嘅配搭，享受另类嘅all day breakfast！
不过我哋出晒名胃口细，所以我哋都只系单点咗一份烟三文鱼芝士omelette。Omelette份量好大，足足占咗餐碟一半，蛋色偏黄，蛋皮表面煎至金金黄黄，洒上香料、伴以多士同杂菜沙律，摆盘同卖相都叫人食欲大增。
切开omelette，里面嘅芝士同烟三文鱼好足料，有蛋汁溢出，蛋味浓香，口感非常滑溜。Salad dressing酸酸甜甜，十分开胃；多士软硬适中，质感松软，包皮带有少许嚼劲，放上omelette一同食用，滋味满满。
[价钱 Price]
💰$106
Penne Carbonara 🍝
主食今次由我选择，我点咗至爱嘅Carbonara，配以比较少食嘅penne，价钱非常实惠。酱汁creamy浓郁，烟韧嘅penne比意粉更挂汁，加上大量香口嘅烟肉条同蘑菇粒粒，口感丰富有层次，绝对值得试试！
[价钱 Price]
💰$103
Nachos 🌮
以snacks嚟讲，呢份nachos份量好足，3-4人分食都必定够食。餐厅选择用已调味嘅tortilla chips，再喺上面放上海量sour cream、guacamole、芝士片等，洒上芝士粉，再将面上嘅芝士片烤至微焦，整个小食都散发住非常浓烈嘅芝士味，正！
Nachos伴有酸酸辣辣嘅spicy sauce，加少少就可以中和酱料嘅饱腻感，唔怕辣嘅可以试试！
[价钱 Price]
💰$45
Black Sesame Latte ☕️
热latte嘅奶同黑芝麻比例相若，所以虽然饮落有好浓好香嘅黑芝麻香气，但都唔会似芝麻糊咁杰身。灰白奶泡拉出完美拉花，配上红色咖啡杯，卖相抢眼到要影多几张。
[价钱 Price]
💰$45
White chocolate 🍫
本以为白朱古力会好甜好腻，但呢杯regular size嘅热白朱古力甚至比一般热朱古力嚟得清淡，甜度偏低，反而比较重奶香味，同今晚嘅餐点好夹。
张贴
