江南瀨粉 (福榮街) (已結業)

今日系深水埗行街。行到好肚饿，但唔想食咁贵。于是去左食粉面。见到好似新开，就入去试下。餐厅空间大，坐得舒服。见到餐厅必食既野。实在太多，唔知叫咩好。叫左碗大大碗鲜制濑粉。果然好似过桥米线咁大碗。好多材料，见到都好开胃。食材斋睇就知道新鲜。叫左清汤汤底。原汁原味先食到材料既味道。首先试下个濑粉。濑粉口感同平时食既唔同。平时个啲好狡猾，夹都夹唔到。呢个易夹。而且比较粗。口感比较饱满。濑粉有弹性，索左清汤，味道特别好。应该系自己制既濑粉。好好味。水饺大粒又新鲜。咬落去好香。好钟意呢个味道。好新鲜又弹牙。猪润整得好滑。唔会粉粉既质感。真系好高汁。墨丸重墨鱼味。爽口。之后叫左杯豆浆。食咁热既面要有杯冻豆浆先得。冻豆浆真系好舒服。之后再叫左个酥炸鸡翼。鸡翼炸得皮好脆。又好香。点左辣椒酱食真系好开胃。鸡肉又啱啱好。呢个鸡翼炸得真系好好味。仲要有5只。先28蚊。抵。下次再黎。