影片
更多
2024-07-18
1716 浏览
系尖沙咀经过好多次都无食过呢间江南翡翠，反而以前食拉面小笼包嘅年代就食过两三次，朋友推荐话走高档路线嘅佢左呢排嘅menu话几好，食个casual 饭试试时令menu。前菜酱香鸭舌已经觉得劲特别，似乎香港好少用咁强嘅中国白酒酱香做调味，呢个好开胃。下午有不少新点心食，食左香酥虾云吞配薄荷酱，个薄荷酱系劲特别，点炸云吞有种几特别嘅化学作用，萝卜丝酥饼嘅出现都显示到佢嘅炸功系唔错，下次可以食多啲点心。凤梨板肉系朋友推荐，我觉得风马牛不相及嘅野夹起嚟又做得几好，而且个板肉食落去个质感好好，应该唔系用求其普通嘅猪肉。W小姐大推的排骨陕西油泼面，第一次食陕西油泼面，个种油香同面嘅Q弹系唔错，加上佢哋一路做得好好嘅排骨，啱feel，以前最爱就系呢个衬上海面。酒香鲍鱼鸡煲系好精彩，如果晚饭同客食呢个绝对唔失礼，特别系𠮶只鲍鱼，我哋六个人食好似都一人一只，鸡喺酒香嘅调味底下又系特别好送饭。椒麻酸菜鲈鱼同重庆水煮牛肉各有所好，本来两个只能一个，好彩朋友都话肚饿食得晒，前者嘅酸菜鱼嘅酸味同辣度都唔系太强，但系鲈鱼非常新鲜，后者辣度够，最喜欢系佢嘅薯粉。尾声的蜜汁金华火腿烤双方要大赞，个样已经好精致，食落去口
系尖沙咀经过好多次都无食过呢间江南翡翠，反而以前食拉面小笼包嘅年代就食过两三次，朋友推荐话走高档路线嘅佢左呢排嘅menu话几好，食个casual 饭试试时令menu。
前菜酱香鸭舌已经觉得劲特别，似乎香港好少用咁强嘅中国白酒酱香做调味，呢个好开胃。
下午有不少新点心食，食左香酥虾云吞配薄荷酱，个薄荷酱系劲特别，点炸云吞有种几特别嘅化学作用，萝卜丝酥饼嘅出现都显示到佢嘅炸功系唔错，下次可以食多啲点心。
凤梨板肉系朋友推荐，我觉得风马牛不相及嘅野夹起嚟又做得几好，而且个板肉食落去个质感好好，应该唔系用求其普通嘅猪肉。
W小姐大推的排骨陕西油泼面，第一次食陕西油泼面，个种油香同面嘅Q弹系唔错，加上佢哋一路做得好好嘅排骨，啱feel，以前最爱就系呢个衬上海面。
酒香鲍鱼鸡煲系好精彩，如果晚饭同客食呢个绝对唔失礼，特别系𠮶只鲍鱼，我哋六个人食好似都一人一只，鸡喺酒香嘅调味底下又系特别好送饭。
椒麻酸菜鲈鱼同重庆水煮牛肉各有所好，本来两个只能一个，好彩朋友都话肚饿食得晒，前者嘅酸菜鱼嘅酸味同辣度都唔系太强，但系鲈鱼非常新鲜，后者辣度够，最喜欢系佢嘅薯粉。
尾声的蜜汁金华火腿烤双方要大赞，个样已经好精致，食落去口感复杂而且浓郁，火方系劲精彩，蜜汁甜度一流，绝对系必点之作。
不是甜品人，但朋友都话金沙奶皇流心角同蔓越莓煎饼几好食，下次再有机会似乎要试下。
张贴
