池記 (已結業)

有时清清地想食面或者粥，我一定会拣池记。贪佢服务好、坐得舒服、质素有保证，价钱亦都唔贵！叫咗个及第粥、炸鸡翼，同炸鲮鱼球。池记嘅粥系最我食过最绵，而且有米香，每一款粥都会有少少唔同味。今次呢款猪润好大块，口感非常清爽处理得好好。猪肉丸系手打，非常之滑嘅质地，细细粒好弹牙，有猪肉嘅鲜甜，好味！猪肚爽口弹牙，味道唔算太浓，但口感一流！炸鸡翼大推呀！系我食过炸得最脆嘅鸡翼，连埋上面超足料嘅炸蒜，每一啖都系卜卜声。鸡翼比较大只，炸到外脆内软，仲会咬到啲肉汁。有时口痕我都会专登过嚟食啲炸鸡翼😆炸鲮鱼球，识食一定系食蚬介😏 呢一间嘅蚬介酒味比较浓，鲮鱼球炸得香脆可口，食到鲮鱼嘅清香同鲜甜。配粥食另有一番滋味。铜锣湾呢间老店比较细间，坐得唔舒服，下次想食可以食其他分店。