池記 (已結業)

好耐之前嚟过池记食晚餐，呢日上昼去开附近咁就嚟食个早餐，佢哋系以云吞面驰名，不过早餐嘅选择就比较茶餐厅嘅感觉，选择唔算多同埋系大路嘅嘢。朋友叫咗份沙爹牛肉面餐，佢话个味道都OK。我就叫咗鲍丝火腿通粉餐，鲍丝同火腿丝嘅份量都几多下。入面仲有三色杂豆，通粉煮得唔会太腍，汤底味道够又唔会太重味精。早餐仲有奶油猪仔包，搽咗炼奶同牛油嘅猪仔包烘到脆脆地都唔错。餐饮方面就有薏米水同豆浆等等，不过我哋就叫咗热柠茶。