影片
更多
2018-04-05
325 浏览
第一次帮衬，仲以为好似麦X记咁又贵又细碗，估唔到都几有惊喜吓！店员姐姐醒目又有礼，知道我哋有优惠券(减$6)就问我哋驶唔驶分单，因每张账单只可以用一张优惠券，咁醒真抵赞！店内有几款套餐选择，啱晒第一次嚟又咩都想试吓嘅食客(我)！套餐有粥，汤面，捞面选择，配冷/热饮品，仲配埋小食或甜品或油菜嘅组合，份量足之余价钱又唔太贵（$64~$90）。我点咗牛腩稻庭乌冬(+4)，配冻桑寄生茶，配油菜芥兰，盛惠$68。牛腩系用柱候酱炆嘅，肉质偏瘦但松软唔黏牙，重点系作为配菜嘅萝卜，非常入味，令成碗牛腩起死回生，系高水准之作！而稻庭乌冬应该系预早渌定，摆咗一日又再翻渌，所以质感欠奉。下次应该叫返广东面会好好多！汤底方面，出奇地走日韩风(偏向甜味)，味道有啲似韩式料理入面嘅炆牛助骨。味道讨好，同乌冬本身几夹！饮品方面，桑寄生茶味道浓郁，平日食糖水就食得多，通常只得甜味。以饮品形式算系第一次！至于油菜有三款选择（菜芯，芥兰，生菜），同乌冬一样，偏淋！最后要提吓收银员姐姐！虽然我哋只有一张优惠券，但佢好好人咁帮每个餐都扣咗$6！真心多谢！如果要讲吓改善嘅地方，就系卫生。枱上有阵阵嘅抹布嘅霉味，食食吓仲比唔知系
店员姐姐醒目又有礼，知道我哋有优惠券(减$6)就问我哋驶唔驶分单，因每张账单只可以用一张优惠券，咁醒真抵赞！
店内有几款套餐选择，啱晒第一次嚟又咩都想试吓嘅食客(我)！套餐有粥，汤面，捞面选择，配冷/热饮品，仲配埋小食或甜品或油菜嘅组合，份量足之余价钱又唔太贵（$64~$90）。
我点咗牛腩稻庭乌冬(+4)，配冻桑寄生茶，配油菜芥兰，盛惠$68。
牛腩系用柱候酱炆嘅，肉质偏瘦但松软唔黏牙，重点系作为配菜嘅萝卜，非常入味，令成碗牛腩起死回生，系高水准之作！而稻庭乌冬应该系预早渌定，摆咗一日又再翻渌，所以质感欠奉。下次应该叫返广东面会好好多！汤底方面，出奇地走日韩风(偏向甜味)，味道有啲似韩式料理入面嘅炆牛助骨。味道讨好，同乌冬本身几夹！
饮品方面，桑寄生茶味道浓郁，平日食糖水就食得多，通常只得甜味。以饮品形式算系第一次！
至于油菜有三款选择（菜芯，芥兰，生菜），同乌冬一样，偏淋！
最后要提吓收银员姐姐！虽然我哋只有一张优惠券，但佢好好人咁帮每个餐都扣咗$6！真心多谢！
如果要讲吓改善嘅地方，就系卫生。枱上有阵阵嘅抹布嘅霉味，食食吓仲比唔知系蚊定虱咬咗几啖！
冻桑寄生茶
16 浏览
0 赞好
0 留言
油菜 - 芥兰
14 浏览
0 赞好
0 留言
牛腩稻庭乌冬
12 浏览
0 赞好
0 留言
张贴
