影片
更多
2021-08-30
263 浏览
前几个月同朋友嚟过一次，觉得都OK。所以今日去开科学园，带屋企人试吓。结果食到一肚气。😤点左餐之后，我哋就去揾位。我去攞餐具位置𠮶度攞匙羹、叉、餐刀、碗仔。攞𠮶一刻我有谂过，我系咪攞错咗人哋用过嘅餐具？！直至有位先生响我隔离，同我一样系咁拣，然后忍唔住讲咗句，「有冇搞错呀？！啲餐具咁污糟点用呀？！」我走去同个女侍应讲：「唔好意思，啲碗好污糟㖞！系好多饭渍，你可唔可以攞两只碗仔俾我？」佢叫我自己去餐枱下面有柜桶，响柜桶攞。我返埋位睇完我哋张餐枱，揾埋隔离张餐枱个柜桶，都冇碗啰！所以我不耻下问咁样再同𠮶个女侍应讲：「冇碗㖞！你可唔可以攞两只碗仔俾我呀？」佢极其不耐烦咁话：「你等等啦！等等呀！」(等佢等到啲饭都冻）我见佢洗咗两只碗仔摆喺出餐处，我就自己行过去拎。一睇好扯火😡，佢洗完𠮶两只碗仔仲系好多饭渍。我同出餐处𠮶位男职员讲：「个碗好污糟下㖞！」佢好有礼貌咁讲唔好意思，立即帮我洗干净。餐具方面，好难拣先拣到四只匙羹，一只叉，但都唔系好干净。餐刀就真系拣唔到，把把刀都有渍。唯有我自行用水同埋纸巾清洁。之后我见到个男职员响攞餐具位置𠮶度，收返晒啲餐具入去再洗过。之后啲客人就用胶嘅餐具。终于可以
前几个月同朋友嚟过一次，觉得都OK。所以今日去开科学园，带屋企人试吓。结果食到一肚气。😤
点左餐之后，我哋就去揾位。我去攞餐具位置𠮶度攞匙羹、叉、餐刀、碗仔。攞𠮶一刻我有谂过，我系咪攞错咗人哋用过嘅餐具？！直至有位先生响我隔离，同我一样系咁拣，然后忍唔住讲咗句，「有冇搞错呀？！啲餐具咁污糟点用呀？！」
我走去同个女侍应讲：「唔好意思，啲碗好污糟㖞！系好多饭渍，你可唔可以攞两只碗仔俾我？」佢叫我自己去餐枱下面有柜桶，响柜桶攞。我返埋位睇完我哋张餐枱，揾埋隔离张餐枱个柜桶，都冇碗啰！所以我不耻下问咁样再同𠮶个女侍应讲：「冇碗㖞！你可唔可以攞两只碗仔俾我呀？」佢极其不耐烦咁话：「你等等啦！等等呀！」(等佢等到啲饭都冻）我见佢洗咗两只碗仔摆喺出餐处，我就自己行过去拎。一睇好扯火😡，佢洗完𠮶两只碗仔仲系好多饭渍。我同出餐处𠮶位男职员讲：「个碗好污糟下㖞！」佢好有礼貌咁讲唔好意思，立即帮我洗干净。
餐具方面，好难拣先拣到四只匙羹，一只叉，但都唔系好干净。餐刀就真系拣唔到，把把刀都有渍。唯有我自行用水同埋纸巾清洁。
之后我见到个男职员响攞餐具位置𠮶度，收返晒啲餐具入去再洗过。之后啲客人就用胶嘅餐具。
终于可以开餐，当我哋食咗一半嘅时候，隔离枱𠮶三个男人叫咗个男职员埋去讲咗两句，然后个男职员就攞走碗面问：「唔好意思，我换过俾你。」但个食客话唔使喇！
当我仲未知道咩事嘅时候，食一啖花雕醉鸡，味淡淡，自己问自己：「系咪有少少馊味呢？定系啲酒味呢？」正当我想食件豆腐嘅时候，一攞起，都未放入口就已经闻到酸味，就肯定啲豆腐馊咗，我立即叫我屋企人唔好食。然后听到个男职员同隔离枱话退返钱俾佢哋。我真系忍唔住问隔离枱：「你哋件豆腐系咪有问题呀？」佢哋话：「系呀！肯定佢哋个雪柜唔够冻，俾啲馊嘢人哋食。食咗啲馊嘢可大可小，会食物中毒⋯⋯」
心里面已经万句粗口，利申：我冇叫佢哋退钱，亦冇话俾啲职员听，佢哋啲食物有问题。因为我觉得佢哋已经心知肚明。
最后，带着战战兢兢嘅心情离开，一直谂紧今晚返到屋企，我哋会唔会争厕所。啲餐具咁污糟，头先装饭𠮶只碟，唔慌佢洗得干净就用。攞埋张单，如果迟吓睇医生都可以有证据我食咗啲乜。
炸鸡扒肉操饭
15 浏览
0 赞好
0 留言
花雕醉鸡
21 浏览
0 赞好
0 留言
张贴
