君滬鍋貼大王

营业中

休息中

食食吓，厨房好大声‘’啪‘’，随即有个男人讲得好大声咁话 ‘’又一只‘’！ 企喺厨房出食物位𠮶个阿婶话 ‘’今日第几只？‘’ …… 唔知系咪我想像力丰富，我真系觉得佢系讲紧曱甴🪳🤮🤮 因为间嘢都好污糟吓，啲餐牌立次次，好油。 唔知系见天气冻悭皮唔开冷气定点， 叫咗嘢之后仲开始闻到阵阵酸宿味，系间舖头𠮶种酸宿味(嘢食未黎)。以$30嚟讲，份量系好足，够大碗，亦够热，但味精好重，又偏咸，面有点硬，食完味精料理口渴左好耐！原本叫左菜肉云吞面配油菜，但婶婶们只系挂住不断倾计，落单落漏左油菜，发觉后提醒其中一个补返，佢只系望一望我，完全冇回应，冇补返单！悭返！中伏一次，冇下次了！