樓下冰室 (已結業)

上次去咗一趟金记冰室怀缅一下当年今日，从住晌荃湾嘅朋友口中得知，荃湾都有一间怀旧冰室，佢话楼下冰室，我话你屋企楼下无嘢食㖞 ，佢补充多句话间餐厅叫「楼下冰室」 。趁住星期六晚过嚟上堂，简简单单一支公嚟食个饭，叹吓奶茶。虽然，装修无金记咁多怀旧花巧嘢，相反，其实算几摩登，不过，仍见唔少旧式产物，勾起少少童年回忆。虽然话怀旧，但楼下冰室喺以蕃茄为主力产品 ，佢哋有个挂牌喺讲蕃茄对人体有几好，就连个招牌都以蕃茄为图。摊开张餐牌，有咩好食就一眼睇晒，主打就喺蕃茄浓汤通粉餐，其次，仲有多款小食及特色主食。除咗通粉餐、下午茶餐，就无乜套餐， 皆因点任何饭类，都可以以半价点饮品，变相喺一个套餐嘅选择 。 热奶茶 $16（配饭优惠$8） 嚟茶记或冰室嘅心水选择，杯奶茶好有茶香，落奶嘅比例亦好啱我，只喺丝滑度未喺最好，但亦已好有水准。 焗鲜茄猪扒饭 $50 虽然佢哋嘅招牌喺鲜茄浓汤，但小弟反而好想食佢个焗猪。首先个鲜蕃茄汁底好正，茄味香浓，酸香鲜活，配合个炒饭底，净喺茄汁捞饭都好食呀 ；猪扒虽然唔喺好似一哥𠮶啲厚切，但有3块之多，一般呎吋嘅有骨猪扒，质感好松软，腌得入味 。佢哋