城寨風味 (已搬遷) 新店位置

朋友介紹食中菜一定要黎城寨風味，所以放左工帶埋屋企人黎食！門口掛上紅燈籠的餐廳食飯，入面裝潢得古色古香。口水雞，雞滷得非常入味，食落新鮮嫩滑，雞上鋪滿辣椒，花生粒，蒜粒同蔥，令整個菜式非常香，辣方面就點到即止，雞食入口唔會話麻到痹哂，但整個口感非常過癮！👍🏻啫啫芥蘭煲，份量十足，芥蘭爽脆，無渣，上枱時真有啫啫聲，配上爆到勁有醎香味嘅肉粒，夠獲氣之外仲好惹味！石鍋鮑魚，鮑魚炆煮的火喉剛剛好，有咬口，鮑汁美味，最後餸飯一流😋鮮胡椒茄子，黎到真係嘩一聲，大大條茄子，切開發覺入面有魚，條魚好滑，個黑椒汁好香濃，估唔到茄子釀魚肉味道可以禁夾禁出色👍🏻食完經理更送上紅豆沙糖水，非常好客，糖水雖然係免費，但份量十足，正！