好麵線

营业中

休息中

好耐冇食汽窝鸡，所以叫酸菜鱼二人套餐($79)，有一大碗酸菜鱼米线、田七汽窝鸡、两杯饮品(我同老婆要冻柠蜜同冻咸柠蜜)和两碗豆腐花。好彩有朋友讲过呢度都几辣，所以我碗米线要小辣，对我讲已经够哂辣。分量几大，确系够两个人食。鲩鱼几新鲜，不过好多细骨。米线本身亦几滑，唔错。汽窝鸡就出乎意料，同我云南米线舖食开唔同，呢度系鸡汤，得几旧仔鸡肉，不过个汤都算几好味，有药材味但唔算好劲。豆腐花亦唔差，好滑。有唔少网友弹佢服务唔得，不过我就好彩，阿姐冇乜，服务普通啦。