影片
更多
2023-03-10
43 浏览
前排老公在铜锣湾地铁站看到一间名为「Mega Stages 十八梦」嘅沉浸式餐厅嘅宣传广告，知道我从来未试过边享用美食边欣赏歌舞剧表演后，就特意带我去到呢间餐厅体验下，顺便过一个难忘嘅情人节🙈呢个剧场「异世界 - 捕梦之旅」由詹瑞文担任艺术总监及导演，系香港首个5D梦幻沉浸式美食剧场，并以「梦与梦想」为主题，藉着故事来唤起观众对梦想嘅追求，2月14号起正式公演。我地一步入餐厅，目光就比周围环境吸引住，宽敞冇柱嘅环境、华丽嘅装潢布置、巨大嘅屏幕，配合背景音乐、灯光效果，令人置身于梦幻嘅仙境中，别具情调。演员、舞蹈员会喺观众席间表演及互动，务求令每一位客人感受到非一般嘅美食剧场体验。餐厅为客人准备咗四道料理，每道菜式都与「梦」有关，亦配合故事发展安排上菜。第一道菜 - 梦海浮沉餐汤系罗马蕃茄罗勒汤，以小巧精美嘅杯子盛载。蕃茄汤味道浓郁又带点酸甜，好开胃，配埋蒜蓉包粒食能增添口感第二道菜 - 旧欢鱼梦前菜系时令刺身拼盘，包括有口感爽弹嘅鹿儿岛野生𫚕鱼、厚身鲜甜嘅北海道帆立贝、啖啖肉嘅牡丹虾、鲜甜肥美嘅岩手县津田宇生蚝同埋口感绵滑嘅北海道马粪赤上海胆。另外，喺打开透明盒嘅时候会有个小惊喜，记得
呢个剧场「异世界 - 捕梦之旅」由詹瑞文担任艺术总监及导演，系香港首个5D梦幻沉浸式美食剧场，并以「梦与梦想」为主题，藉着故事来唤起观众对梦想嘅追求，2月14号起正式公演。
我地一步入餐厅，目光就比周围环境吸引住，宽敞冇柱嘅环境、华丽嘅装潢布置、巨大嘅屏幕，配合背景音乐、灯光效果，令人置身于梦幻嘅仙境中，别具情调。演员、舞蹈员会喺观众席间表演及互动，务求令每一位客人感受到非一般嘅美食剧场体验。
餐厅为客人准备咗四道料理，每道菜式都与「梦」有关，亦配合故事发展安排上菜。
第一道菜 - 梦海浮沉
餐汤系罗马蕃茄罗勒汤，以小巧精美嘅杯子盛载。蕃茄汤味道浓郁又带点酸甜，好开胃，配埋蒜蓉包粒食能增添口感
第二道菜 - 旧欢鱼梦
前菜系时令刺身拼盘，包括有口感爽弹嘅鹿儿岛野生𫚕鱼、厚身鲜甜嘅北海道帆立贝、啖啖肉嘅牡丹虾、鲜甜肥美嘅岩手县津田宇生蚝同埋口感绵滑嘅北海道马粪赤上海胆。另外，喺打开透明盒嘅时候会有个小惊喜，记得准备手机打卡😏
第三道菜 - 梦朱猪
主菜采用了西班牙伊比利亚猪鞍，慢煮4小时至肉质呈粉红色，大约六成熟就上碟。咬落肉味浓郁多汁，点上以苹果蓉及无花果果酱调制成嘅酱汁可减油腻感。配菜有蔬菜及薯蓉，系健康、饱肚嘅配搭
第四道菜 - 甜椰椰梦歌
甜品系椰子芒果朱古力，卖相精致可爱，椰子慕丝以云朵☁️嘅造型，并用上琴键朱古力作装饰。切开云朵，里面加入了芒果酱同果肉，整体味道甜而不腻
整个歌舞剧演出连用餐大约两个小时，一次过获得「味、嗅、视、触、听、本体」六感享受，第一次体验已令我留下深刻嘅印象~
张贴
