炑八韓烤 (歐亞銀行大廈) (已結業)

今日食我至爱嘅韩烧心情都靓啲！最近减肥日日清淡，终于等于一个月先得一日嘅cheat day，要食番够本🤤一坐低就叫最有份量嘅如虎添翼烧肉套餐💕包括有葱蒜牛五花、牛小排，牛舌、 和牛肩肉。 烤复活LA骨，大虾🍤，芝士生蚝🦪烧酒煮蚬。等肉肉𠮶阵可以食住小餐前菜先，呢度小餐都好多款，有芽菜、泡菜、海带、萝卜同沙律🥗，而且可以无限refill㗎，我吃定劲多菜打底先食肉自然无咁肥啦！肉肉用牛型板上枱，每款有三片，大虾就有两只，虾如其名果然够大只，食起嚟特别有满足感🤤牛肩肉同牛小排食落好嫩滑，而且有阵阵油花香，用嚟包生菜夹多两块泡菜落去可以中和油腻感，仲劲好味😋爽口弹牙嘅牛舌同埋牛五花又有另一番风味！最好味一定系L A排骨，本身已经腌过调好味，烧完就直接食，油花同埋肉味有一个好好嘅平衡，口感嫩嫩的，滋味满分💯钟意点芝士酱嘅仲可以点侧边炉边芝士一齐食，邪恶满分但系口感超满足啊！