沐白小農 (已結業)

沐白小农-兵家必争之地的牧场自然风味荃湾路德围短短一条街已经有多不胜数既台式饮品店，而最吸引我既就系标榜食材百分百纯天然无添加既沐白小农。我深信一杯真正好味既饮品，系唔需要依靠浮夸唔真实既添加剂。🐻大甲芋头鲜奶 $30芋头控既朋友仔一定唔可以错过，店员先用磅秤好芋泥份量，目测有成大半杯，份量十足，再加上明治4.3红盒纯鲜奶。入口甜度适中，每一啖都饮到芋泥同芋头粒。🐻沐白黑糖波霸鲜奶黑糖波霸基本上每一间台式饮品都有，但沐白小农既黑糖波霸鲜奶，无论甜度、黑糖同鲜奶既比例都好配合，用上2小时慢煮既黑糖珍珠，由于珍珠毎日新鲜熬煮，卖完就冇，所以限量供应，饮既时候要上下摇动，令到珍珠更加Q弹。🐻草莓鲜奶 $35用上智利入口既士多啤梨，店员毫不吝啬加入搅碎，而唔系好似出面用士多啤梨酱，味道不但天然，连影相呃like都靓过人。