友口馥 (已結業)

早前从报导得知大埔呢间石磨肠粉, 今日黎呢边郊游, 揾好东西食, 拣左食呢间, 黎到发现门口有人排队, 有排肠粉的又有排砵仔糕的, 里面坐位大概只得4-6人, 我地排队一阵好快到, 仲好好彩有位坐。叫左3个肠粉, 有樱花虾肠, 紫椰菜香菇肠, 蛋叉烧肠, 本身肠粉口感几好, 够滑, 但几个都无咩味, 要靠豉油和甜酱的味道, 仲有花生酱不过剩返少少, 问阿姐拎又话无, 食酱料味其实款款都差唔多味, 连食3个肠粉都有d厌倦, 粥又卖晒, 饺子又无, 无办法。蛋叉烧肠无蛋味, 也不太见蛋的存在, 椰菜香菇不太见香菇, 得好少。反而我钟意呢度既饮品, 款式几多, 煲得够浓, 我拣左少见既桑寄生, 味道有少少酸咁。砵仔糕好巴闭, 唔少人等佢出炉, 等半个钟都愿, 而且仲要比阿姐串串贡, 话你等就等啰, 唔驶话比我知, 态度都几差, 阿姐个个都忙, 亦无方法整理排队先后同秩序, 一个字乱。抢到一个黑糖一个紫米, 紫米系用糯米所以较痴碗, 紫米口味砵仔糕较特别, 起码平时无呢只味, 不过黑糖就同平时既差唔多, 唔觉有咩特别既黑糖味, 同行朋友叫比劣评, 如果我就比ok吧。