魚塘鴨子 (已結業)

补返前排既食评，果阵仲可以四人限聚，又突然想食北京烤鸭，就book左呢间餐厅同朋友仔庆祝生日。于是我地叫左个四人餐，价钱都算抵，四个人食都系888未加一。头盘系个沙律，不过佢地已经转左菜单。但系记忆中个沙律都几新鲜好味。另外就上左个醉鸡卷，其实第一次食咁样卷埋一齐既醉鸡，食落冻冻地，啲肉都算系鲜嫩，不过个人觉得好似咸左dd。另外就系片皮鸭，算系比较传统正宗既食法，个人最钟意用鸭皮醮白砂糖食，鸭肉算嫩，不柴。不过本人之前试过好多烤鸭，呢个算中规中矩，冇好突出既味道，但系都算合格，系香港系可以一试既。跟住就系另外一个招牌菜小笼包，呢个不错，汤汁又浓又鲜甜，小笼包皮好薄，算系有诚意既一道菜。跟住个鱼摆盘有啲求其，味道不过不失。甜品都系一般般，唔算好出色。总体来讲整体唔算特别贵，但系整体食物质素都系一般，唔会系果种令人回味无穷既餐厅。