影片
更多
2009-10-21
26 浏览
心血来潮想食片皮鸭，鹿鸣春就一定book唔到位，北京酒楼只鸭又麻麻地，咁我哋就决定试吓北京楼啰！哎~~真系有啲啲失望！片皮鸭啲味道唔差，成只鸭时啲皮仲系涨卜卜嘅！片好嘅鸭系皮连肉，夹埋啲青瓜同葱，食落无鹿鸣春只鸭咁肥腻，食多几旧都唔觉济，几好几好~ 不过，用嚟包片皮鸭嘅薄饼就差咗啲，又厚又粉。仲有，我以为会好似鹿鸣春咁系我哋面前片鸭肉，个waiter哥哥俾我哋睇吓只原身未切嘅鸭，跟住就拎走去第ニ度切，过咗一阵间就拎番2碟片好嘅鸭肉过嚟。我哋仲点咗其他菜式，啲味道就普普通通啦，我会觉得鹿鸣春同北京酒楼啲菜式比较地道！不过，北京楼个拔丝苹果做得好好，外面嘅脆浆无炸到甩皮甩骨，又用冰忌廉汽水代替冰水，除咗外面嘅糖浆面够脆，仲有微微嘅忌廉汽水味，都几特别！我谂配拔丝香蕉会仲好味~ 不得不提嘅系，北京楼啲service好好~ 啲staff几有礼貌同周到，见我哋未齐人，会主动问要唔要等齐人先上菜；我哋唔够薄饼，又唔驶额外另点一份薄饼，仲会顺便俾多份青瓜同葱啊！当日有人摆结婚酒，都咁好service，环境装修又靓，非常欣赏，抵北京楼有咁多外国游客帮衬啦！
哎~~真系有啲啲失望！
片皮鸭啲味道唔差，成只鸭时啲皮仲系涨卜卜嘅！片好嘅鸭系皮连肉，夹埋啲青瓜同葱，食落无鹿鸣春只鸭咁肥腻，食多几旧都唔觉济，几好几好~ 不过，用嚟包片皮鸭嘅薄饼就差咗啲，又厚又粉。仲有，我以为会好似鹿鸣春咁系我哋面前片鸭肉，个waiter哥哥俾我哋睇吓只原身未切嘅鸭，跟住就拎走去第ニ度切，过咗一阵间就拎番2碟片好嘅鸭肉过嚟。
我哋仲点咗其他菜式，啲味道就普普通通啦，我会觉得鹿鸣春同北京酒楼啲菜式比较地道！不过，北京楼个拔丝苹果做得好好，外面嘅脆浆无炸到甩皮甩骨，又用冰忌廉汽水代替冰水，除咗外面嘅糖浆面够脆，仲有微微嘅忌廉汽水味，都几特别！我谂配拔丝香蕉会仲好味~
不得不提嘅系，北京楼啲service好好~ 啲staff几有礼貌同周到，见我哋未齐人，会主动问要唔要等齐人先上菜；我哋唔够薄饼，又唔驶额外另点一份薄饼，仲会顺便俾多份青瓜同葱啊！当日有人摆结婚酒，都咁好service，环境装修又靓，非常欣赏，抵北京楼有咁多外国游客帮衬啦！
张贴