粗菜館 (已結業)

一早就打定电话去ｂｏｏｋ（佢无问我张券既ｎｕｍｂｅｒ），坐低之后，伙记就立即拿餐牌俾我同屋企人。我地拣左鱼腩同炒猪杂，首先上个汤，份量都几多，仲要里面有只鸡脚同埋鸡肾，唔错。之后就上２个𩠌，虽然唔算大碟，但味道中上，份量够我地２个人。食完饭后，佢就帮我地也执台同埋自动送上番薯糖水，呢餐就画上完满既句号。或者有ｄ人好好奇，团购既份量同正价既有无差别，就呢间黎讲，好肯定系无分别既，因为我坐果张台既左邻右里都有叫鱼腩，但佢地唔系用券既，但个份量就差唔多，所以呢间真系良心小菜馆，就算无券都可以去试下呢ｄ外省菜。P.S食完野隔左几个钟都唔觉得口渴，应该无咩味精，大家可以放心食。仲有ｄ伙记好好礼貌，绝无因为我地用团购券而ｉｇｎｏｒｅ我地，反而好关顾ｔｉｍ，我地走果时仲要讲句「多谢晒」，哗刘华精神又出来了。