影片
更多
2017-10-06
240 浏览
近来先发现北角有好多好嘢食，除左近期心头好villa villa，仲有潮乐园。今次要避开呢两间的诱惑来到呢度，都经过几番争扎，讲紧嘅系villa villa隔离「古月」，主打新加坡菜，仲攞左米芝连推介。铺头同villa villa差不多大小，都系走小店路线，不过装潢比较特别，有好大个牛奶盒，又有鱼尾狮壁画，几有玩味。点餐后未上菜先上饮品三色奶茶（$30），三层分别系红茶、花奶、椰糖，拌匀之后饮，茶味足，都几香，虽然又有花奶又有椰糖，但唔算好甜，不过又唔称得上好突出，只系卖相较特别而已。呢度招牌菜系辣椒板面、肉骨茶等，不过见虾面（$78）系限量供应，就一于试下。材料系几丰富嘅，有鱼片、叉烧、豆卜、虾、鱼丸、肉丸。先饮啖汤，的确有点虾的鲜味，不过放凉之后，就开始有少少类似腥味，又好似面的碱水味，想辟味的话，加点佢附送的辣酱拌匀会好d。面类似油面，冇咩特别，口感偏腍，唔钟意的话可转米粉。古滑鸡饭（$48）个名融合左店名同「滑」的特质，都几有心思，其实即系海南鸡饭。选用无骨鸡脾，啖啖肉，但又冇菜名讲到咁滑，质感同味道只属一般，还好垫底的汁甜甜地，增添食味。油饭偏干，但又未至于冇味，注重健康的人
今次要避开呢两间的诱惑来到呢度，都经过几番争扎，讲紧嘅系villa villa隔离「古月」，主打新加坡菜，仲攞左米芝连推介。
铺头同villa villa差不多大小，都系走小店路线，不过装潢比较特别，有好大个牛奶盒，又有鱼尾狮壁画，几有玩味。
点餐后未上菜先上饮品三色奶茶（$30），三层分别系红茶、花奶、椰糖，拌匀之后饮，茶味足，都几香，虽然又有花奶又有椰糖，但唔算好甜，不过又唔称得上好突出，只系卖相较特别而已。
呢度招牌菜系辣椒板面、肉骨茶等，不过见虾面（$78）系限量供应，就一于试下。材料系几丰富嘅，有鱼片、叉烧、豆卜、虾、鱼丸、肉丸。先饮啖汤，的确有点虾的鲜味，不过放凉之后，就开始有少少类似腥味，又好似面的碱水味，想辟味的话，加点佢附送的辣酱拌匀会好d。面类似油面，冇咩特别，口感偏腍，唔钟意的话可转米粉。
古滑鸡饭（$48）个名融合左店名同「滑」的特质，都几有心思，其实即系海南鸡饭。选用无骨鸡脾，啖啖肉，但又冇菜名讲到咁滑，质感同味道只属一般，还好垫底的汁甜甜地，增添食味。油饭偏干，但又未至于冇味，注重健康的人应该会合口味。
始终觉得，古月整体质素只系一般，米芝连的参考指数又打了个折。好在佢仲有其他招牌菜，有机会都会再来一次，不过首要系避得过隔离咸蛋炒薯条引诱先。
张贴
