小方糖甜品 (龍崗道)

营业中

休息中

食完晚饭再嚟到甜品时间系常识吧！九龙城有一间小方糖，位于龙岗道，开业都有数年，相信有好多人都试过。而我喺初开业时，都有试过佢个拿破仑甜品，到而家都仲好回味，因为未食过咁薄咁脆嘅一个拿破仑，质地好轻身，唔会有漏感，真系相当唔错。每到甜品时间嘅小方糖都好多人排队，我同友人都等左差唔多15分钟先至可以排到入座，餐牌上嘅甜品选择都好多，十五十六的选择困难下，拣咗齿颊留香同即撞木桶豆腐花。齿颊留香系用咗牛乳布甸、新鲜榴梿肉、榴梿汁、黑珍珠、西米粒，仲有椰果条制成，配搭上面真系好夹，牛乳布甸好滑溜，榴梿肉亦都好香好甜好浓郁，黑珍珠就烟烟韧韧，好味。 即撞木桶豆腐花，呢个唔可以即刻食，因为系即撞嘅关系，要等四分钟先可以打开木盖食用，放心，唔需要自己去计时间，店员会递上一个时间器提醒大家！ 四分钟嘅时间唔长唔短，打开盖𠮶一刻真系好惊喜，一个小小嘅木桶装住左满满嘅豆腐花，望上去好诱惑嘅感觉，将黄糖加到豆腐花上面，再用匙羹轻轻一笔，入口个一刻真系好滑好正，但初尝一刻，味道上有啲怪，虽然餐牌上面已注明左系焦香味道，但我觉得似一阵药味多啲⋯感觉上面不太好。 但食下食下之后，𠮶阵怪味就会慢慢消