花香 (已結業)

见到好多人post咗呢间劲靓嘅造型食物饮品相，行开K11就试试，当日星期六，见对面D餐厅排哂队，反而呢间唔使排，店内食客得5，6个，心谂唔会出事啩，我喺门口企咗大约2分钟，职员见到我安排咗我入座，然后order咗一杯冻嘅蓝色富士山饮品，同粉红富士山咖哩豚肉饭，等咗10分钟，饮品先上，见到杯饮品已经有d失落，网上见到其他人post嘅富士山饮品好靓，个杯连入面嘅饮品都模倣成个富士山一样，但我个杯……(请看图)☹，见食物未到，就同杯饮品影个独照先，谂住等埋碟饭就嚟个合照，所以都未饮过一啖，等呀…等…等…等…，见杯富士山开始溶，都未等到粉红富士山出现，就放弃开始饮啖先，味道还可以，没有太大惊喜(可能d冰溶咗，所以味道有点淡)😐，大概由落完order开始起计等咗20分钟左右，我终于见到粉红富士山喺我面前，当然都有点失望，真系不得不赞赏其他人嘅影相技术(还是真系其他人个山靓过我个山，喺openrice见到其他人嘅富士山好靓)，好快地简单帮两座山影咗个合照，就急不及待试试个味道(因为都已经冇哂mood同等到饿)……第一啖试咗咖哩个味道先(眼见个咖哩有点稀，所以都预咗个味道唔浓郁) 谁不知……🥶唔热嘅