影片
更多
2013-11-20
762 浏览
出开旺角，谂住上网揾食店，见到此店，于是试下，去到唔多人，得几枱客，所以不用等位，环境都好整洁，座位给人舒适感觉。好心急点嘢食，见到张纸，好似点车仔面咁，自己划，有自选面、汤底、食法、自选𩠌，于是我点了卤水豆腐、牛根虾子生面, 老公点了墨鱼卷虾子生面，问佢点解只点一样𩠌, 佢话$8 加一个𩠌好贵, 又真系贵咗D. 因为惊男人净系食面唔够饱，于是叫多个鲜虾云吞皮同埋蟹子醉蛋.点知等食嘅时候, 已听到最少有3枱客人投诉落错单，整错嘢，其中一枱我听到个男人讲错咗几次𠻹，心谂点解可以错漏百出，但D职员服务态度好好，系咁讲对唔住、唔好意思等，但对食物都抱有希望。等咗约20分钟，终于有嘢食，老公碗面嚟先，试左一啖墨鱼卷，炸得好香，都有墨鱼味，好好食，D面都好爽口，但唔可以话系好好食，只系唔难食, 其次D面少得可怜，只得一个面饼，男人根本一碗面唔会够饱，等咗约10分钟，蟹子醉蛋上枱，开始觉得唔对路，$15得半只蛋，我都唔敢食，留番比老公食，佢食完问佢意见，佢话系浸左酒加D蟹子系面嘅蛋，冇乜特别，只有酒味，冇酒香。我老公就嚟食晒碗面我都未有得食，跟往再等咗约15分钟，终于可以到我试食，先讲牛根，完全冇
好心急点嘢食，见到张纸，好似点车仔面咁，自己划，有自选面、汤底、食法、自选𩠌，于是我点了卤水豆腐、牛根虾子生面, 老公点了墨鱼卷虾子生面，问佢点解只点一样𩠌, 佢话$8 加一个𩠌好贵, 又真系贵咗D. 因为惊男人净系食面唔够饱，于是叫多个鲜虾云吞皮同埋蟹子醉蛋.
点知等食嘅时候, 已听到最少有3枱客人投诉落错单，整错嘢，其中一枱我听到个男人讲错咗几次𠻹，心谂点解可以错漏百出，但D职员服务态度好好，系咁讲对唔住、唔好意思等，但对食物都抱有希望。
等咗约20分钟，终于有嘢食，老公碗面嚟先，试左一啖墨鱼卷，炸得好香，都有墨鱼味，好好食，D面都好爽口，但唔可以话系好好食，只系唔难食, 其次D面少得可怜，只得一个面饼，男人根本一碗面唔会够饱，等咗约10分钟，蟹子醉蛋上枱，开始觉得唔对路，$15得半只蛋，我都唔敢食，留番比老公食，佢食完问佢意见，佢话系浸左酒加D蟹子系面嘅蛋，冇乜特别，只有酒味，冇酒香。
我老公就嚟食晒碗面我都未有得食，跟往再等咗约15分钟，终于可以到我试食，先讲牛根，完全冇味，唔够淋，好硬，食到牙到软埋，卤水豆腐得4片（ 唔系4旧），唔应该话系卤水豆腐，佢唔系我哋香港人食开D卤水，应该系台湾人整个D好浓嘅黑色酱汁，淋系豆腐面，好彩择选了秘制酱油𤏪, 所以D味都唔太难食, ( 因为先前有一枱个女仔应该系点咗麻辣捞, 所以投诉好辣, 唔系四川个D麻辣), 但我食到一半D面已经冻晒, D面攞出嚟完全唔热, 只系微暖, 到就嚟食完, 个鲜虾云吞皮都未到, 于是取消Order, 都唔敢再试落去, 速速埋单走人.
题外话/补充资料：
此店除咗服务态度好之外, 无论食物味道, 份量, 价钱, 可以话系完全冇可取之处, 如果以呢个价钱, 食咁嘅质素, 我个人觉得完全唔值, 真系去食车仔面好过, 我谂好多车仔面都好食过佢.
(以上食记乃用户个人意见 , 并不代表OpenRice之观点。)
张贴
