大榮華圍村菜 (已結業)

大年初二食個九大簋套餐，首先米鴨賣曬畀咗十件叉燒 頂上， 仲有盆菜豬肉又冇話轉 菜心炒牛肉 之後又係再冇 終於畀咗豆腐 跟住烏頭嚟咗倉魚， 同啲人講嚟錯，點知就將條魚放埋一邊，之後攞返入廚房後又再攞返出嚟話烏頭無曬 同佢講冇曬都唔係唔使問人就攞條倉魚出嚟畀人呀？ 跟住個經理就話咁轉第二樣魚俾你，問佢轉乜嘢佢就話轉個斑塊畀你 ，一係轉個鯪魚球畀你，我哋話張菜單已經有鯪魚球啦經理你唔係又再畀我鯪魚球呀?跟住佢話畀班塊 我哋話唔係人呀?蒸魚變斑塊?都唔知個經理知唔知張菜單有咩嘅， 佢話因為頭輪好旺，我哋八點鐘唔夠就到，都唔明佢頭論有幾旺，旺極係咁多張枱就咁多張枱㗎啦，你冇預貨㗎咩， 仲要碟碟餸都凍嘅，全部都係一早煮定曬 ，之後見到有兩個外籍人士企喺門口等成十分鐘，但個經理同另外一個黑衫唔知係唔係經理嘅人，就響對外籍人士身邊行嚟行去都冇理過佢， 究竟係唔識講英文吖，定係咩原因呢，總之就5會有下次