影片
更多
2017-07-06
3374 浏览
La Parole的法文意思是 “语言”，餐厅的名字背后有一个美丽的故事。La Parole餐厅由社会企业Confiserie Benji Limited经营，语言障碍的儿童，让他们获得适当治疗，积极融入社会。扣除成本后将拨捐给语言障碍儿童！又可以做善事！又可以享用美食一举两得！我今次食第3次，第一次食已经系四年前， 我仲记得有发光嘅Menu另外有六道菜， 而且每道菜都非常精致，我好印象深刻系记得我食主菜前佢会比一个柠檬sorbet我话清一清个喉咙去食嚟紧嘅主菜! 佢亦都会介绍每道菜系乜嘢材料点样食等等，此外亦都会有人过嚟问我地食物如何。仲有一样好窝心的就是当时我坐的位置好冻我做了一个好冻的动作，离远有一位比利时waiter见状即时去熄冷气然后同我讲,真系好贴心♥️所以呢间餐厅对我第一印象非常好！事隔2年我食第二次虽然冇之前菜式咁多但系款式都好精致。Service亦好好。到今年我生日又再来呢度，坐低嘅时候俾咗好多回忆我，今次餐牌转了3 course Menu, 虽然系少咗但系唔紧要照叫了海鲜拼盘$688 , 另外再加黑毛猪$488.首先会有welcome bread 微热的，有牛油，橄榄
La Parole的法文意思是 “语言”，餐厅的名字背后有一个美丽的故事。La Parole餐厅由社会企业Confiserie Benji Limited经营，语言障碍的儿童，让他们获得适当治疗，积极融入社会。扣除成本后将拨捐给语言障碍儿童！又可以做善事！又可以享用美食一举两得！
我今次食第3次，第一次食已经系四年前， 我仲记得有发光嘅Menu另外有六道菜， 而且每道菜都非常精致，我好印象深刻系记得我食主菜前佢会比一个柠檬sorbet我话清一清个喉咙去食嚟紧嘅主菜! 佢亦都会介绍每道菜系乜嘢材料点样食等等，此外亦都会有人过嚟问我地食物如何。仲有一样好窝心的就是当时我坐的位置好冻我做了一个好冻的动作，离远有一位比利时waiter见状即时去熄冷气然后同我讲,真系好贴心♥️所以呢间餐厅对我第一印象非常好！
事隔2年我食第二次虽然冇之前菜式咁多但系款式都好精致。Service亦好好。
到今年我生日又再来呢度，坐低嘅时候俾咗好多回忆我，今次餐牌转了3 course Menu, 虽然系少咗但系唔紧要照叫了海鲜拼盘$688 , 另外再加黑毛猪$488.
首先会有welcome bread 微热的，有牛油，橄榄酱，辣味番茄。
头盘两个都要冲绳生蚝及加拿大海胆三文鱼籽，生蚝用了粗盐垫底令冻嘅状态延续，保持生蚝新鲜，冲绳生蚝体型比较细只，蚝味较甜，口感Q弹！二海胆和三文鱼子可提升生蚝的鲜味！唔错
到主菜嚟啦，我本身谂住＄688嘅海鲜拼盘点都有啲睇头啦，但一放底之下我有啲失望，系摆本之中我完全觉得系boiled西兰花同薯仔做主角，起码有半碟。应该用牛油煎香少少都好挂😅而龙虾细只仲要得半只，口感尚算弹牙新鲜的，另外北寄贝没有开半所以入面要清洗得好干净，但系我男友食到有一只有沙，犯了最低级的错误。（我返到屋企睇返Menu先知本身系海🦐但系转北寄贝我冇为意但系个waiter亦都冇同我讲)龙虾底有块黄花鱼，肉质滑溜鲜甜。 扇贝煎得唔错入边仲有少少生，外面有焦香。
另外跟海鲜拼盘配蒜蓉包及三个sauces，包括cream cheese ,辣味蛋黄酱，同埋一个红醋嘅味道，唔太肯定。
男友的西班牙黑毛猪，有2大件！份量颇多！整体味道好食过海鲜拼盘。黑毛猪够juicy , 口感扎实但唔un , 另外配蜜桃果酱减低肥腻感。呢个值得推荐👍🏻
最后甜品叫了荔枝梳乎厘配荔枝雪糕！反而呢个令到我有惊喜因为冇谂过咁大个！😁相比之下个雪糕就细得滞😂根本就唔够送个梳乎厘！因为生日所以waiter都有讲生日快乐另外写咗happy birthday , 因为挂住影相到食嘅时候个梳乎厘都淋咗一半😂味道唔错有淡淡的荔枝味，不过一个人未必食得晒。最后最后以一杯斋啡作结尾♥️
另外我都有问过侍应我话点解无咗发光Menu ,佢就话因为呢度调光左所以转返普通menu ，另外还认得我男友因为长头发😂😂但对上已经事隔两年仲应得👍🏻
张贴
