金牌小龍 (已結業)

今日同事讲起话想食上海野，我脑立刻谂返起之前食过一次超好味既大闸蟹小龙包，所以就提出要食呢间，哈哈哈哈！我地一行四人入到黎坐底，拣左一个套餐加一堆散叫。套餐有一个红烧牛肉面，锅贴同小食。另外我地叫左蒜蓉油墨菜，姜汁芥兰，卤水鸡翼，水晶蛋，醉鸡，金牌小龙包同菜肉云吞。首先黎既系套餐，红烧牛肉面几好，汤够浓味，面质okay。锅贴都okay，只系得4只，好似有啲份量唔够咁，最后就系个最过份既小食，上枱既时候我都不禁问左一句，做咩咁似隔离枱食净拎过黎既？出奇在，佢答我地呢个份量系咁。好彩佢都叫有啲礼貌咁答，唔系真系嬲呀！之后就到我地散叫既菜肉云吞，清清地，虽然个样有少少似出面现成买个啲急冻云吞，但佢既味道几好。卤水鸡翼好入味，都唔错。水晶蛋个样好靓，但黎到既时时候好似倒泻晒咁，唔开心啰。之后仲有醉鸡周2个菜，醉鸡好nice，冇乜骨，好酒！另外2个菜都炒得几好，胜在够爽脆~ 最后一提小龙包，事关我地挂住食，都唔记得左影相，但相比起之前个个大闸蟹小龙包，差好远