壽司郎 (翔盈里)

营业中

休息中

第一次食寿司郎🍣平时都听到朋友对寿司郎赞不绝口。今次终于可以亲身体验。去之前down左寿司郎嘅App, 念住预约时间，点知日日嘅booking都full左，好鬼夸张。传闻walk-in要排两个钟。于是朋友仔一大清早就去排队。朋友仔10点就去到，朋友当时话目测已经有40个人左右排紧喺前面。寿司郎10:30开门，结果我哋可以喺10:30嘅第一round入到去非常开心。 食完依间甘受欢迎嘅寿司郎，值得一提嘅系海胆寿司同埋蟹膏军舰都好新鲜，没有异味物超所值。另外依度有我喺水木食过嘅萤光鱿鱼🦑，因为唔系度度都有得食，所以我哋都点左。萤光鱿鱼系咸咸地腌咗嘅鱿鱼🦑水木嘅萤光鱿鱼系黄色嘅，依度系黑色嘅，风味同水木嘅接近。今次我哋食到滞真系好平嘅高质寿司不过要提一提，依度由于太受欢迎，所以有时限，只有60分钟嘅时间食所以要快手快脚落单（每次可以落4款，落完可以即时再点...）。