上海姥姥 (馬鞍山廣場)

营业中

休息中

山长水远入到去马鞍山，肚饿就揾间餐厅，因为不嬲都钟意食上海菜，所以就试吓上海姥姥。一个人食饭叫唔到太多野，我叫咗两样野，侍应都好诧异咁望住我，上菜之后我就明，因为个水煮牛肉份量好大。可惜大而无当，牛肉唔靓，水煮唔辣又唔香，配料就冇乜特别。另外仲叫左个黄金虾仁炒饭，一上到黎我已经反晒白眼，话明黄金虾仁炒饭，系唔系真黄金呢，揾云成个饭都系得𠮶几粒，自然成个饭系一啲咸蛋味都冇，虾仁系雪藏货呢个就预咗。饭亦都炒得唔靓，除咗咸蛋之外，唔知系咪连鸡蛋都缺货，睇相都睇到吵得唔均匀。呢间野请我都唔再去。