可可豬海南雞專門店 (寶榮大廈) (已結業)

沒有晚市堂食的日子，只好日日買外賣回家食，平有平食，貴有貴食，今次搵間平平地既可可豬。兩公婆一人一份都不過二百蚊，好抵食。宮廷藥膳醉香雞絲湯米粉 $66藥膳湯味濃郁又足料，有杞子、木耳、蟲草花、豆卜、雞絲等，米粉吸哂湯精華，好滿足。驚嘆黑蒜醬燒豬軟骨飯 $76豬軟骨份量足，炆得軟腍又入味，微辣黑蒜汁撈飯好惹味。另外一人叫左一杯食療拿杯湯 $18 每星期都有轉一次湯款，無味精，幾好飲。