影片
更多
2009-10-06
78 浏览
星期三收工时黄色爆雨所以爸爸打电话比我叫我留系湾仔食饭。妈妈已约好几位auntie系Cova饮完茶上去Conrad个bar饮野。饮完野我地就去左Stefanos食晚餐。讲起有段古 - 其中一个auntie R 因为系某杂志睇到篇食评话Stefanos既意大利餐好家庭式，个厨系西人，食物重好一流添，所以一直都好想去试下，点知每次黎到门口都无开，失望左好多次。 当日撞啱大家都唔返屋企食饭，佢就提议一齐去试下，重惊冇位所以特地打电话去订位，非常认真。我地系Conrad饮野时爸爸就话上过Open rice睇食评话Stefanos出名食Pizza同埋食物好有家乡feel，所以我地都好期待。我地由金钟行去Stefanos一去到个门口第一个感觉系唔起眼好容易会miss。入到去见到一D好简单既装修，木造既折枱同折櫈，同行一位"high-class" auntie S 见到个格局就已经好反感。佢就问waiter攞个menu睇。waiter哥哥就话佢地"整"紧个menu，就比个旧既比我地睇，重提议我地食个HK$148既龙虾牛扒餐。讲真个句，个menu真系好简陋好残旧，不过要食过先知间restaurant得
我地由金钟行去Stefanos一去到个门口第一个感觉系唔起眼好容易会miss。入到去见到一D好简单既装修，木造既折枱同折櫈，同行一位"high-class" auntie S 见到个格局就已经好反感。佢就问waiter攞个menu睇。waiter哥哥就话佢地"整"紧个menu，就比个旧既比我地睇，重提议我地食个HK$148既龙虾牛扒餐。讲真个句，个menu真系好简陋好残旧，不过要食过先知间restaurant得唔得。因为爸爸上Open Rice睇到Stefanos 最出名食pizza，而waiter哥哥又无介绍到，所以就问佢系咪pizza最好食。佢答：系，不过个厨放假。 最想黎既auntie R 就追问放假个pizza厨系咪个西人厨。无错，无厨，无pizza。（好似另外位食评话斋 bad sign #1）我地所有人都O哂嘴咁个厨唔系到我地一定唔会食pizza啦，第日可以再黎试之嘛。我地再睇返个menu，真系睇唔到有D乜野既家乡意大利野bor...
首先等我讲讲我位auntie S，佢对食系好讲究，价钱唔系一个问题，但系食野时要知道食物系边到黎，新唔新鲜，而且佢系唔会比面人，有野唔钟意就会照直讲。所以佢睇完menu同听完waiter哥哥就问佢menu上同佢介绍既牛扒系边到黎既，系咪US prime，因为佢只系钟意食美国牛。waiter哥哥就望下counter 后面既女仔然后答系"顶级安格斯"，我auntie S 就好无耐性大声再问佢系边到黎既angus beef，系咪美国？（bad sign #2!!! 英文唔叻唔紧要，不过你都要知道自己卖乜野先得架）佢就再望个女仔沟通后答系New Zealand黎既。一听到系New Zealand黎我auntie S 就不停同我地同行既人话佢唔会食New Zealand既牛，然后就再问龙虾系边到黎。听到系Boston黎既就追问下点解价钱咁平系咪新鲜龙虾定系急涷龙虾。waiter哥哥就好唔愿意咁答系急涷龙虾。我auntie S 面都黑埋话佢乜都唔会食，最多食个最安全既肉酱意粉。(讲真个句我地其他4个人都预左佢会好唔满意，不过因为推介佢去既系佢好朋友，重要话想去左好几次，所以佢都无计。）我妈妈最钟意系饮汤见到menu上冇汤所以就问waiter哥哥有乜汤饮。答案系冇汤饮!!! (bad sign #3) 当我地重商量紧食乜既时候，我地位已经好不耐烦既waiter哥哥就行去个counter叫后面个女仔落单因为佢唔落啦。（bad sign #4!!! 发老脾?? 咁都得???) 因为我坐系个counter前面，所以我见到哂听到哂。当然见到大家都咁火既时候我乜都无讲，只系记系个脑到，留返系Open Rice到报告比大家知。
(Note: 我妈妈话佢有少少奇怪因为未听过意大利餐出名食牛扒何况系家庭式意大利餐???重要系New Zealand 牛扒?? )
到姐姐仔黎落单，佢比我地第一个感觉系不太友善，好冷，只系想落完单就走人个只。（sorry... 已经由bad sign变左做 problem #5!!! 我比既服务分一定会好低） 我地就叫左一份肉酱意粉，一份烟肉意粉。当我auntie听到我叫一个龙虾牛扒餐同爸爸分时，佢就大叫我地要一份整angus加一份整龙虾分，我地就顺佢意思比佢帮我地叫左两份angus加一份整龙虾大家分。令外一位auntie J 就睇完menu想叫份New Zealand Rib Eye (请留意: menu上串错字 "rib eye" 串成 "rip eye")，姐姐仔就问佢想要几成熟同跟乜野。我auntie J 就话要七成熟跟意粉。当然我auntie S 又comment 话七成会太熟叫auntie J 要生D。Auntie J 就解释话佢怕生所以七成啱架啦。咁我地其他人就要五成既angus。姐姐仔好有礼貌地confirm张单时就话我地total 叫左六个餐。我地当时先知全部都系餐。我地就数下系六份。auntie S 就话系五份，姐姐仔就好大声且颇不客气咁话系六份。Auntie S 就叫姐姐仔repeat一次，听完两个意粉，两份angus，一份龙虾同一份rib eye，auntie S 就话系要两份angus唔系要rib eye，我地就帮佢解释话auntie J 唔要angus佢就话比姐姐仔听咁每样牛要一份就得啦。其实我地同行大家都好明白我依位auntie系好难服侍，不过我谂每一间餐厅都会有机会遇到依款客人，waiter们系可以比多D耐性既。
因为auntie们饮酒好讲究，所以为免出事我地多数自己带酒。今次我地带左枝红酒黎。因为我自己唔饮就叫佢攞5只红酒杯。黎到原来间餐厅系冇5只红酒杯，因为其中一只系白酒/香槟杯（problem #6: 餐厅唔够红酒杯或对酒唔系好认识）。虽然枝酒系自己带黎，不过佢地除左帮你开酒之外，其他就要自己黎，包括倒酒（problem #7!!!）。
到食物啦，唔好问我点解，不过五个餐系分开上既（problem #8，西餐大忌）。首先系黎个肉酱意粉，个卖相OK，唔会太多蕃茄酱，不过味道咸左D同D意粉唔得弹牙好"林"(妈妈话好有港式西餐feel)。跟住auntie J 个rib eye拼意粉，auntie J 钟意佢个牛扒汁分开上，因为佢最惊D汁太多或者系一pat pat。客观D讲句，我就真系唔觉得依个牛扒有任何homemade feel，我喺扒王之王或其他扒房或茶餐厅都系食咁上下既野。我谂其实佢既价钱HK$78一早都暗示左依一点。我冇试到，不过auntie J 话个rib eye 系比较薄所以咁熟都唔un，味道冇乜点ok啦。我见到佢食剩左大部份既意粉所以我谂唔系好好食。跟住就黎左个烟肉蘑菇意粉，意粉唔够烟靱，不过唔系太多cream，只系咸左少少。食完意粉就有"顶级安格斯"食，同rib eye 一样个汁（黑椒）系另上，最适合大家分黎食因为个个对几多汁既要求都唔同。我谂个汁系冇得拣既，因为冇人问过我地（problem #9: 如果冇得拣系一个problem; 如果有得拣而冇问我地都系一个problem）。我食左四分一份angus，以依价钱肉身冇问题，只系个汁又系咸左D。唔知系咪又系冇得拣，冇人问过我地，依个餐系跟好普通既薯菜（problem #10: 又系一样如果冇得拣系一个problem; 如果有得拣而冇问我地都系一个problem）。到最后终于黎个龙虾餐，我同爸爸有少少意外，因为唔系一份整龙虾，而系waiter哥哥一开头介绍既一半龙虾一半牛。我同爸爸打左个眼色就好快咁食哂成个餐，以免auntie S 有机会再面黑，因为我地知道auntie S 原意系想叫一份angus 加一份整龙虾（problem #11: 不了解客人叫乜野）。咁既价钱既急涷龙虾系咁上下啦。
我地食完之后等左一阵都未有人清理枱上面既野（可能觉得我地依张枱既人太麻烦唔系好想理会），我爸爸就好有礼貌地问哥哥仔系咪有餐饮哥哥仔就话有想要乜（problem #12: 不友善，不清枱，且唔问就好似唔想serve 餐饮）。我地就要左一杯涷柠茶，一杯热柠水同一杯热咖啡。饮品冇乜特别。我地一早就己经谂住去星街间喜宴食甜品，所以我地饮完野就急急埋单走人，而且有人块面真系好黑。原本今日系auntie S 请客，不过提议黎Stefanos 既人auntie R 见到 auntie S 黑哂面就抢住比钱。
最估唔到既系到最后个waiter哥哥入去厨房攞野时，我望入去见到一个男人系厨房入面食紧烟（problem #13）。
我系好钟意食甜品，不过大家食到咁唔开心，又冇人介绍，所以我都冇去问人攞个menu黎研究(要问人先会有既甜品menu都唔方好得去边啦)。所以对唔住，我系一定唔会再黎试佢个pizza，就算人请我都叫佢唔洗预我，好简单，就系因为服务态度欠佳，完全食唔到有homemade style/taste，大厨唔系到就冇pizza食，真系好荒谬，系室内已经实行左禁烟既香港，居然系Stefanos厨房内有人吸烟。今次真系好失望!!!
张贴