時新快餐店 (已結業)

呢间快餐店系OPENRICE黎讲都算几出名，可惜平时无咩机会黎到，今日刚好要黎黄埔做野，LUNCH TIME就一个人过黎试下。唔系讲笑，上一次黎呢到帮衬已经系2009年既事，果时仲要系夜晚黎。今次系平日既LUNCH TIME，12点9到黎到已经见到好多人，入到去拿拿临落ORDER，可惜只系叫左一个鱼柳包同一杯冻啡，其实都好想食佢个薯条，不过自己一个又食唔晒，所以无叫到。鱼柳包系用嘉顿最传统果只有芝麻系面既汉堡包，里面夹左块新鲜炸又够香既鱼柳，又有鱼味又淋滑，酱汁系可以自选既，除左有最CLASSIC 既沙律酱之外，仲可以拣茄汁，咖哩汁同埋黑椒汁，鱼柳同包大小相约，酱汁份量适中。本人唔食牛肉，所以无咩包可以拣，可次黎可能试下佢D饮或意粉。