大喜屋 (已結業)

今次来食大喜屋，星期日例牌full booking，想食嘅朋友最好提前book位啦！大喜屋算系比较高质的日本放题，刺身同炸物最好食。　先讲刺身，必叫嘅有三文鱼、油甘鱼、蟹脚，刺身好鲜甜，入口即融，齿颊留香，一定唔会令你失望。寿司都好好食，特别系钟意黑松露的朋友，黑松露配搭唔同刺身，正！花之恋唔只有三文鱼，仲有三文鱼子、芒果，食落唔只有三文鱼的鲜甜，有鱼子的多汁，仲有芒果的香甜，配搭一流！到我最中意食嘅炸物出场啦！大喜屋的天妇罗无得弹，外面脆得来，入面仲保留到食材的原味。首推番薯、南瓜、茄子天妇罗，用料新鲜，番薯、南瓜好甜，茄子好软熟。特别一提炸丸子，我食左芋头、榴梿炸丸，小丸子馅料十足，榴梿炸丸仲有爆酱效果，如果系榴梿控嘅你，一定唔可以错过。讲下锅物－－人参鸡汤。人参鸡汤几入味，但略苦，适合天气冻时食，好滋补。最后讲下甜品，豆乳味雪糕好食，浓厚豆奶味，唔会太甜。其他甜品都正正常常，其中Tirumisu 同木糠布丁比较好吃。总而言之，日式放题来讲，大喜屋系多选择得来，食物质素有保证的一间，值得推荐！