壽喜燒·肉屋

营业中

休息中

同太太难得可以放低小朋友俾屋企人咁食生日饭庆祝，决定试试呢间都bookmark咗一段时间的寿喜烧店。大约生日的2个几星期前就已经预约咗，唔肯定系咪已经算迟，因为预约时提出咗希望尽量安排到卡位枱食生日饭，最后系唔俾卡位枱嘅，咁本来都觉得冇办法，可能真系满哂订座或者可能真系随机分配，点知由坐低到食完埋单走人都发现旁边果张卡位枱系完全冇人坐过嘅☺️ 原本坐低前打算食完套餐就追加牛，但既然冇卡位坐就爽手食完套餐就算，快速食咗唔够1个钟就决定埋单走人，反正坐普通位置唔算舒服，影相又唔靓，最后都冇影同食物合照，随手影咗一张相证明食过就算，反正都唔会upload上社交平台 推介俾朋友。讲返食物，我地就叫咗两个特上萨摩牛寿喜烧套餐加2杯特饮（星紫 & 夕烧），个人认为啲牛质素就唔算好差，不过以价钱对比返食物质素同份量就觉得定价偏贵，而且个锅都比较细同簿身，菜同豆腐都好快烧㶶，另外2杯特饮同甜品（柚子雪糕）就冇咩特别。整体以言除非订座有得指定要卡位，否则应该冇下次。