Fûhn Express (已結業)

有日睇电视，介绍呢间越南菜，店舖喺铜锣湾，不过有分店分别喺佐敦同旺角都有分店。咁星期六专登去Moko Food Opera试吓佢啲汤河同香茅猪扒。去到当日只有牛肉汤河同鸡丝汤河供应，大佬即时放弃去第二间拣其他嘢食。我就是但拣咗碗鸡丝汤河。个碗就确实好大，不过睇到份量唔多，汤头劲咸似饮紧味精汤无异，河粉又碎又烂，完全用筷子夹唔到，成碗粉我要用匙先可以食到。鸡丝又嚡又冇味，如𡁻胶丝，我食咗几啖都放弃。虽然Food Court质素可能会差啲，不过我完全体验到佢其余𠮶两间嘅质素，真心唔会想帮衬。