大門食堂 (德福廣場) (已結業)

必须相信还有更差既餐厅先可以平衡心理，又要等劲耐位，又要难食，真系唔识形容。入面有5张吉枱，依然要等4张枱，等左半个钟终于有人埋单，但原来仲未有得入，oops，再有人埋单，职员先一副「唉，俾你啦」既面口，俾我地入座。个亲子饭丼啲鸡肉腍啤啤，啲湿左既炸皮好突兀，果种腍又轫既口感真系一试难忘，啲饭水浸咁，完全系小汤既泡饭，吉列猪扒饭系厚粉炸薄切猪件，杰身又甜既咖哩配又干又硬既饭，当下我就明白点解要水浸亲子丼。最后，顺便一提，等到位坐低，要等半个钟先有人同你落单，埋单都要等半个钟，餐厅冇暖水供应，一大壶冰水系枱面请自便，真系冰系入面既冰水。