土司工坊 (TKO Gateway) (已結業)

对呢间野唔会话有好大期望，但真系没有最差只有更差。肉骨茶超油，淡而无味，入面有草菇、菜、杞子、肉丸、豆卜……未见过咁hea既肉骨茶。成间舖得收银一个人，冇人执枱，餐具同水都系自助但完全冇人refill，食客要揾人拎野就要乌低身喺出餐位同职员讲。等野食期间有两枱食客鼓噪话等左半个钟。我自己叫左肉骨茶配白饭、菠萝油、菜同两杯野饮，野食等左20分钟左右。除左有两个人间中系厨房出黎路过，基本上唔会有人系楼面。出菜位取餐𠮶度有张枱，系喺厨房出面。有食客自己执枱，将上手既餐盘摆低喺𠮶度，职员一出黎见到就叫个食客唔可以摆盘喺度。个食客冇理佢就返埋位坐，个职员收完啲盘喺楼面倒厨余落垃圾桶。有两个人间中会喺厨房出一出黎，冇留意佢地出黎做咩，但见到有次，个女职员趴喺个门框度同收银唱山歌式讲野，觉得佢周围摸完又返入厨房做野，唔系几衞生，不过好多时出街食饭都系眼不见为净既。点知另一个男职员仲夸张，就系头先喺楼面处理厨员既男职员，佢用上手用完既「云吞」抹枱，上一手旧纸巾抹过咩，冇人知，但就比佢抹哂落枱，同沾染左喺佢既手套度………………野食、服务同衞生都吓亲我，所有分店我都唔会再帮衬。