皇茶冰室 (已結業)

从未试过有边间嘢会比呢间嘢更差啰，里头嘅侍应简直系垃圾都不如，服务态度差到简直无笔墨可形容！你叫个餐，佢哋嘅文化系兴系逐样逐样上，而且每一样都要等成大半个钟有多，搞到你以为自己入错舖头，怀疑紧自己系咪入咗法国餐厅！又或者佢地样样都要走转美国先至返到嚟呱!就算系你想叫佢地拎杯水咁简单，应系应你，但就系得个应字啰!你以为一个系咁啫，第二个唔会呱，但你点谂到连第三个都系咁，简直系令你O晒咀!又可能系因为佢地嘅水实在太矜贵了，系响天山雪莲番嘅都唔定，所以咪咁珍惜啰！假如你想追单，你仲死硬，你个餐肯定要等到天荒地老，外送俾佢地寸爆!真系没有最差，只有更差!所以奉劝各位，想食呢间野嘅话一定要好有耐性、超有耐心及宽宏大量能宽恕嘅心，唔系激死自己揾山拜就唔值啦！仲有最重要一点嘅就系，如果你好肚饿或好赶时间的话，奉劝一句：千祈唔好去!唔系你肯定想一头撞墙死了算，因为会好后悔！