YakiniKuu Japanese Bbq (已搬遷) 新店位置

每次经过九如坊，都会望一望呢一间舖头，今日做冬，所以我哋book定枱，响度做节。之前都有上open rice, 睇吓食评. 啲食评都写得好好，所以都好大期望。虽然每张枱上面都有一个抽油烟机嘅烟通，但始终都系烧肉店，所以一入到舖头，都有一浸油烟嘅味道。我哋叫咗个特选烧牛肉套餐，同埋一个精选烧牛肉套餐。前菜系沙律同埋炆牛腩，跟住就嚟咗两碟牛，白饭同埋面豉汤。个侍应就咁放低晒所有嘢就算，完全冇话俾我知边一碟系特选，边一碟系精选牛肉。以前食过其他烧肉店，侍应都会介绍一下牛肉嘅部份，同埋要烧几耐，呢度嘅侍应全部放低晒就算啦⋯⋯😞牛肉尚算可以，不过不失，但系我都会希望有多少少嘅服务，介绍一下食物。后记，食完之后，衣服都没有太多油烟味，尚算可以。