二家姐正宗原味麻辣火鍋

营业中

休息中

趁住天气仲冻嘅时候最适合同一班朋友去打边炉，今次去咗佐敦一间重庆火锅店。店舖嘅装修的确好靓，以古代风为主题。而且厕所仲要系全金色🌻重庆火锅点少得麻辣汤底，但系唔食得辣嘅朋友都可以叫一个鸳鸯锅，系锅中间会有养生清汤。开头都几满意，可惜都未开始一阵就遇到一个问题就系麻辣汤底入面真系有好多渣，想捞嘢食嘅时候永远都会有一炸辣椒、枸杞！不过最大嘅问题都未系呢样，而系愈食愈油但系我之前食过嘅麻辣火锅都唔会系咁油🤨🤨🌻食物方面选择都几多，就连冷门既牛波子、猪脑都有我同朋友就叫咗响铃、芝士虾丸、鱼皮、牛肉、娃娃菜。食物嘅质素其实几新鲜不过呢份量就真系少咗啲🌻总结来讲啦，服务态度非常好，食物质素唔错，但系衰左系汤底油到加咗好多水都冇办法，搞到成班朋友仔真系冇乜点食辣汤底。