影片
更多
2014-02-23
2414 浏览
今年情人节适逢元宵，系十九年一遇，各大食肆一早已安排情人节订座，无奈另一半话可能要加班唔知几点走，唯有即场入座。食西餐应该唔使旨意，谂住转食其他菜，可能加上星期五既关系，去左几间唔系大排长龙，就系话已满座，搞到好扫兴。 好在最后俾我地揾到呢间近尖东永安既餐厅，难得唔使等位，虽然佢话今晚最低消费要每人２５０，我地唔想再行都二话不说就入去了。 餐厅外观似酒吧，而系尖咀黎讲比较近商业区，附近冇购物点，自然少人黎。话明系情人节，餐厅特设左几款情人节餐，每位３８０，以今日黎讲价钱算合理了！同一般高级西餐厅一样，呢度既餐牌同侍应都使用全英语，而客人亦以外国人为主，见到佢地天寒地冻仲系室外好悠闲地饮酒倾计，顿时觉得自己好似身处国外咁。 比较过主餐牌同情人节餐，都系觉得叫套餐抵Ｄ，所以就点左两款。套餐包括前菜（沙律或餐汤），主菜同甜品，仲有两杯香槟，份量适中。两杯香槟杯上贴左心心，增添浪漫气氛。前菜沙律有两粒切半带子，都算鲜味，但就咸左少少，个sauce都ＯＫ。餐汤系蕃茄酱蓉煮的，味道同肉酱意粉个酱好似，汤内放左一件去皮炸鸡，老公话都几好食，美中不足系两件餐包系冻的。主菜黎喇，系最稳阵既三文鱼扒
话明系情人节，餐厅特设左几款情人节餐，每位３８０，以今日黎讲价钱算合理了！同一般高级西餐厅一样，呢度既餐牌同侍应都使用全英语，而客人亦以外国人为主，见到佢地天寒地冻仲系室外好悠闲地饮酒倾计，顿时觉得自己好似身处国外咁。
比较过主餐牌同情人节餐，都系觉得叫套餐抵Ｄ，所以就点左两款。套餐包括前菜（沙律或餐汤），主菜同甜品，仲有两杯香槟，份量适中。
两杯香槟杯上贴左心心，增添浪漫气氛。
前菜沙律有两粒切半带子，都算鲜味，但就咸左少少，个sauce都ＯＫ。
餐汤系蕃茄酱蓉煮的，味道同肉酱意粉个酱好似，汤内放左一件去皮炸鸡，老公话都几好食，美中不足系两件餐包系冻的。
主菜黎喇，系最稳阵既三文鱼扒意粉。三文鱼扒份量十足，煎得恰到好处，意粉亦软硬适中，加埋碎芝士更加惹味，而伴碟既菠菜亦唔失分，只系有点点油，一次半次冇所谓啦！
另一道主菜系牛尾伴龙虾烟肉芦笋卷，第一次咁样食牛尾，有少少靱，龙虾系雪藏货，整体味道不过不失，反而垫底既薯蓉最好味。
到食甜品喇，卖相吸引既鸡蛋布丁同市面食既分别在于佢既质地比较厚实，蛋味更浓。
另一款甜品系朱古力慕丝蛋糕，外表平实既蛋糕厚如一件砖头，食落口充满浓郁既朱古力香，夹杂朱古力碎，简宜系惊为天人，真系好好食啊！
餐厅每枱会送一支玫瑰花以配合情人节既气氛，对于多年冇收过花既我真系好大惊喜哩！其实系甜蜜既日子同心爱既人享用晚餐，食乜都系甜既！
题外话/补充资料：
呢度上菜比较慢，人客又唔多，好适合饮酒倾计。
(以上食记乃用户个人意见 , 并不代表OpenRice之观点。)
张贴
