影片
更多
2018-03-18
1092 浏览
用餐日期为三月上旬的一个平日晚上，见到呢间烧味店新开，环境明亮，相比附近中上环老牌连锁旧式茶记，真的会吸引女士们光顾～一入去门口有工人整紧天花版，我要「兜路」行先可入去会合已揾左位既老公～中间每张小台竟然每张有四张椅，摆左四个位，心想中午时间中环一定好多人，就算坐到四个人，都放不到四份餐吧？！细细个时家住中环，对呢间舖头有依稀的印象。「怀旧情怀 复刻味觉」是不少老店作招徕的话句，来烧味店唔系唔食烧味卦？我同老公睇晒所有店内餐牌都没有烧味碟头饭。。。只有散叫的烧味。。一心来呢到真心唔想食小菜啊！但环顾四周所有食客都系叫以下「家常便饭」餐牌既小菜套餐，咁无办法啦！我地以为晚饭没有烧味供应。谁知呢个系伏之始！老实说，呢个价钱都算小贵～心想一次半次无所谓啦！B3 餐$88，仲话新张优惠先有白饭同老火汤送～饭很硬，饭没有饭味～最过份既系壶「茶」，有个壶，正常人expect 是茶吧！点知是水来的，仲要收几蚊「茶钱」同加一！散叫左个荷叶饭，等左半个钟先到，唔算热，味道有点怪，很少「料」；老公食到一半已经唔想食好戏在后头，见到有一个男客人问店员，为何餐牌没有「烧味饭」，那客人其实同我地一样已叫左「家常
一入去门口有工人整紧天花版，我要「兜路」行先可入去会合已揾左位既老公～
中间每张小台竟然每张有四张椅，摆左四个位，心想中午时间中环一定好多人，就算坐到四个人，都放不到四份餐吧？！
细细个时家住中环，对呢间舖头有依稀的印象。
「怀旧情怀 复刻味觉」是不少老店作招徕的话句，来烧味店唔系唔食烧味卦？
我同老公睇晒所有店内餐牌都没有烧味碟头饭。。。只有散叫的烧味。。
一心来呢到真心唔想食小菜啊！但环顾四周所有食客都系叫以下「家常便饭」餐牌既小菜套餐，咁无办法啦！我地以为晚饭没有烧味供应。
谁知呢个系伏之始！
老实说，呢个价钱都算小贵～心想一次半次无所谓啦！
B3 餐$88，仲话新张优惠先有白饭同老火汤送～
饭很硬，饭没有饭味～
最过份既系壶「茶」，有个壶，正常人expect 是茶吧！点知是水来的，仲要收几蚊「茶钱」同加一！
散叫左个荷叶饭，等左半个钟先到，唔算热，味道有点怪，很少「料」；老公食到一半已经唔想食
好戏在后头，见到有一个男客人问店员，为何餐牌没有「烧味饭」，那客人其实同我地一样已叫左「家常便饭餐」，同我们一样愈想愈唔对劲，终于忍不住要问下店员！但店员支吾以对，没有回答那男人「有定冇？」再问多两问，先细细声话「你可以叫！」咁男客人再问点解呢度冇烧味饭餐牌！继续答唔出！
我们的疑问和那男人一样仍未解开，食完心有不甘，于是看看放在门外的餐牌，晚上系有「烧味饭」的！而且只是五十多元！！
真系狗年第一大伏！店方系咪迫人食较贵（至平都要$88）既「家常便饭」而故意唔摆烧味饭餐牌入店内？？请自行判断！
有些小插曲都几「有趣」，此店不断有单身女士进入，但店员都要她们撘台，几乎8成女士都不愿意走了，剩下的都是不情不愿坐下。其实店内仲有好多「吉位」。
几天后，比多次机会呢间「烧味专家」，晚上叫附近工作的老公系呢间「斩料」烧味回家，烧味质素仲差过大家乐可以讲 bye bye!
张贴
