NUTTEA (旺角中心第一座) (已結業)

喺新之城食完野，队友就自自然然上左黎Nuttea买野饮，必点出面好少有既伯爵朱古力坚果奶盖。我见今日冻冻地又想试新野，就叫左杯热既黑芝芝坚果奶。我地钟意饮呢度既奶盖同埋手摇，出面真系揾唔到，选择好多，有咖啡，茶，生果，仲有牛油果，花生，燕麦等等。坚果奶有营健康，有蛋白质，富饱足感，淡淡坚果香，可以做代餐又得，仲啱晒素食者添。热既黑芝芝坚果奶-出面冻冰冰啱晒，超浓芝麻味同淡淡坚果香，暖暖入心，仲好益，补铁又补钙。伯爵朱古力坚果奶盖- 呢杯奶盖攞奖架，用左黑朱古力加坚果奶做个奶盖，再洒上朱古力粉同少少盐，奶盖咸咸甜甜，仲要有浓浓既朱古力味，放耐左唔会溶，又滑又好味，我推介过俾唔少朱古力控朋友，个个都LIKE。