NUTTEA (灣景廣場) (已結業)

食完晏又去左AEON超市买啲日用品俾阿女，队友话去买枝野饮，我就叫佢不如去Nuttea度买啦，又有益又好饮，仲要喺超市侧边就有。我自己不嬲都系Nuttea粉丝，好多杯都好钟意饮，贪佢100%纯素，就算对奶敏感都唔怕饮，有omega3同高蛋白质，好味得黎仲要有益唔怕肥。佢地既坚果奶用上五种坚果，用浅慢烘焙方法，可以keep到最佳营养，冷压萃取研磨同滤水乳化，又香又滑，可以配咖啡，配茶，配生果，甚至配牛油果或者芝麻都得添，非常多配搭。我地今日就拣左伯爵朱古力坚果奶盖茶，店员好细心问我使唔使少甜少冰，呢杯茶喺2019年台湾奶茶节攞左金奖架，朱古力用左100%纯朱古力，再加印度产地格雷伯爵茶，浓浓既奶盖上再洒上朱古力粉，佢限量供应100杯架咋。奶盖好挺身，可以用摌子食，非常浓郁好味。