荳號 (花園街) (已結業)

好味指数😋😋😋😋回头指数 ⭐️⭐️⭐️⭐️开心指数🤗🤗之前留意到呢间叫荳号嘅小店，除咗台式饮品外，仲有桶装糖水，好想试吓叫得荳号嘅豆腐花系咪真系咁正，点知，平日下昼5点几去到，想叫荳腐花时，佢竟然答我冇！😅 我呆咗几秒，谂紧专登行到嚟，想买桶装糖水，但竟然冇豆腐花，仲买唔买好呢？唉，都系买啦，既然用咗脚骨力行嚟，都唔想空手而回。 🍴椰香喳咋 + 珍珠 + 仙草 + 双式芋圆（$38）攞嘅时候摸落去系又冻又热，我估仙草系冻嘅，但系喳咋系热嘅原因。因为个人觉得又热又冻嘅嘢，食落去会好奇怪，我就直头放入雪柜雪一阵令成个糖水变冻。 成个糖水用料十足，椰香喳咋椰奶味好香，珍珠粒粒分明有咬口，双式芋圆烟烟韧韧，成个糖水本身唔算好甜，所以捞埋嚟食甜度啱啱好，系好味嘅～ 一桶绝对够2个人食，食完都几饱！ 呢个糖水做得唔错，$38咁大桶都几抵食！ 因为我试唔到最想试嘅豆腐花，所以我会再回头试佢嘅豆腐花，睇吓佢配唔配得上呢个咁强劲嘅店名！