影片
更多
2015-04-05
3259 浏览
复活节几日假期，留港消费，咁多日要食，总想有一日要食得豪食得尽。朋友介绍了朗廷酒店自助餐，因为有生蚝、波士顿龙虾等海鲜系佢地至爱，令到我都想试试。我地6点钟到了，刚刚开始食，一入门口就见到甜品摆设，外表好吸引，好想试。一开始先试了海鲜冷盘，有生蚝、波士顿龙虾，有大有细、青口、海虾、刺身等等。生蚝：可以入口，有些海水味，不算腥臭，可以食好多都得，不错！龙虾：肉质新鲜，没有腥臭味，又食了好多！三文鱼刺身：刺身新鲜有鱼油，不过唔算太出色、吸引，出面好多寿司店仲好食！热食唔系好吸引，好普通，选择唔算多，相比其他酒店真系好唔掂，不过样样都试下。印度咖哩：个咖哩好香，好好味，香料味好重，有重庆级数。但可惜个印度饭得个样，食落去好鬼硬，好唔想食。炖椰子鸡汤：成盅炖制，原汁原味，头一轮食个炖汤好鬼正，又足料，但第二盅就好多鸡油，汤料都无咁多！龙虾伊面：个伊面好正，好甜，吸收晒龙虾汁。其他都不值得评论，因为太普通！蒸鱼：热食最好食就系蒸鱼，蒸得刚刚好！甜品选择好少，系有一个放满cup cake的地方摆放好靓，个个都影相，一食甜品就想试下，但结果系中伏了，真系得个样吸引，一叉起个蛋糕就散晒，好干呀！食落去
复活节几日假期，留港消费，咁多日要食，总想有一日要食得豪食得尽。朋友介绍了朗廷酒店自助餐，因为有生蚝、波士顿龙虾等海鲜系佢地至爱，令到我都想试试。
我地6点钟到了，刚刚开始食，一入门口就见到甜品摆设，外表好吸引，好想试。
一开始先试了海鲜冷盘，有生蚝、波士顿龙虾，有大有细、青口、海虾、刺身等等。
生蚝：可以入口，有些海水味，不算腥臭，可以食好多都得，不错！
龙虾：肉质新鲜，没有腥臭味，又食了好多！
三文鱼刺身：刺身新鲜有鱼油，不过唔算太出色、吸引，出面好多寿司店仲好食！
热食唔系好吸引，好普通，选择唔算多，相比其他酒店真系好唔掂，不过样样都试下。
印度咖哩：个咖哩好香，好好味，香料味好重，有重庆级数。但可惜个印度饭得个样，食落去好鬼硬，好唔想食。
炖椰子鸡汤：成盅炖制，原汁原味，头一轮食个炖汤好鬼正，又足料，但第二盅就好多鸡油，汤料都无咁多！
龙虾伊面：个伊面好正，好甜，吸收晒龙虾汁。
其他都不值得评论，因为太普通！
蒸鱼：热食最好食就系蒸鱼，蒸得刚刚好！
甜品选择好少，系有一个放满cup cake的地方摆放好靓，个个都影相，一食甜品就想试下，但结果系中伏了，真系得个样吸引，一叉起个蛋糕就散晒，好干呀！食落去仲衰，唔好食，我地都话嘉顿蛋糕仲好食过佢。
抹茶蛋卷：又系得个样，个蛋糕又好干身，完全唔好食。
忌廉蛋糕：外表已经唔好睇，个蛋糕又系干身，蛋糕好失败。
柠檬饼、芝士蛋糕：一般
朱古力蛋糕：西饼来讲，这个最好食，朱古力味香浓，但唔食得多。
雪榚：应该系甜品之最，有雪榚球或雪榚筒食，有乳酪、焦糖、榛子、咖啡味，个人最喜爱咖啡味，味道香浓，狂食狂食。
整体而言，个人觉得海鲜冷盘可接受，其他真系好失望，甜品完全无心之作，自助餐没有好食的甜品真系失色，虽然用了75折优惠，但价钱都要$500多，这个价钱，这个质素，唔比滴汁都唔得。😰😰😰😰😰
张贴
