影片
更多
2017-07-27
436 浏览
系呢头返工返左咁耐日子，好明白系永吉街开食肆实在唔容易，虽然午间时段全店满座仲要大排长龙，但晚市的确唔容易挨！但必须要强调，生意难做还难做，食物味道还味道，绝对是两回事！如果因为成本关系，要牺牲食物味道，是不能接受的！！！今次冇影食物相，因为食物味道普通到一个点，接近难食嘅边缘！先讲头盘嘅青木瓜沙律，其实系一味泰式沙律，竟然系标榜越式的小店「小河内」出现，真系笑大人个口！越式沙律应该系「牙车快」，唔系用青木瓜做底，而系用白椰菜到底。Any肥，呢个错配嘅沙律要有嘅材料全部齐全：青木瓜丝、青瓜丝、红萝卜丝、花生碎，全部都有，但一啲都唔爽脆而且带韧，就算食材本来几咁新鲜，依家口感上都好似变成唔够新鲜的感觉了！点解嘅？点解嘅？会唔会系一早做定呢？就算系，都系无可厚非嘅 ... ... 但唔通一早落埋青柠鱼露汁呢？咁样会造成蔬菜脱水变韧㖞！同时，沙律上枱时处于室温，而没有半点chill的感觉，是很失败的！！！然后到香茅烧鸡捞檬。逐个词语解说返，首先系香茅 ... 香茅味一啲都唔香！然后呢烧鸡，鸡肉口感好松散腍到一个点，完全没有咬口，可能雪藏鸡，落腌料就煮熟，唔似用心处理过！最后系檬粉，口感死死实
今次冇影食物相，因为食物味道普通到一个点，接近难食嘅边缘！先讲头盘嘅青木瓜沙律，其实系一味泰式沙律，竟然系标榜越式的小店「小河内」出现，真系笑大人个口！越式沙律应该系「牙车快」，唔系用青木瓜做底，而系用白椰菜到底。Any肥，呢个错配嘅沙律要有嘅材料全部齐全：青木瓜丝、青瓜丝、红萝卜丝、花生碎，全部都有，但一啲都唔爽脆而且带韧，就算食材本来几咁新鲜，依家口感上都好似变成唔够新鲜的感觉了！点解嘅？点解嘅？会唔会系一早做定呢？就算系，都系无可厚非嘅 ... ... 但唔通一早落埋青柠鱼露汁呢？咁样会造成蔬菜脱水变韧㖞！同时，沙律上枱时处于室温，而没有半点chill的感觉，是很失败的！！！
然后到香茅烧鸡捞檬。逐个词语解说返，首先系香茅 ... 香茅味一啲都唔香！然后呢烧鸡，鸡肉口感好松散腍到一个点，完全没有咬口，可能雪藏鸡，落腌料就煮熟，唔似用心处理过！最后系檬粉，口感死死实实，完全没有那份应有的松软微弹嘅咬口！最后嘅最后，就系𠮶支青柠鱼露汁，我真系未食过一间越南店，呢个汁可以去到咁淡，唯一值得嘉许嘅系，呢个汁终于完全符合低钠健康原则嘞喂！
其余嘅食物，我已经完全无晒心机会去试第二次。真系要讲一句：拜拜你条尾！最后嘅最后嘅最后，讲到服务，几位大妈侍应嘅服务水平真系麻木到一个点 ... ... 你哋咁唔愿意做，不如唔好做，转工把啦，块面黑到咁为乜啫？
张贴
