辻利茶舗 (已結業)

去亲日本，周围既便利商店都好容易见到「辻利」既饮料或雪条，呢个牌子几乎个个都会知道。心谂，百年老店出既抹茶雪糕应该都会有返咁上下质素保证。而且，咁热既天气都系忍唔住要食啲冰品降下温。去到辻利，睇一睇个menu，定价都比较高。一般抹茶雪糕都系索价三十多元，呢度要四十以上。IFC限定窝夫新地 ($78)既然一场来到，贵一贵都试下。于是拣左个有几样配料的窝夫新地。先讲抹茶雪糕，入口非常淡，抹茶味唔突出，一点抹茶的甘香都无，完完全全被牛奶味掩盖。质感不是厚身的那种，而且容易溶掉。配料同样的糟糕，白玉糊口不烟韧；卷蛋软身，但味道平平无奇；抹茶茶冻口感似大菜糕，又淡而无味...总结黎讲，呢度既抹茶出品同我预期中好大出入，本以为抹茶雪糕的味道会又浓又甘，点知茶味不见踪影。索价高，但价钱同质素好像不太成正比，有点失望呢。