板上 (中海日升中心) (已結業)

假日陪妈妈食中午，去左官塘商业区一带揾野食，见此间门面华丽门外食物相卖相吸引，结果吸引左入内食。餐厅内唔算多客，去到先柜位点餐俾钱，再自行取餐。食物选择甚多，拣左我最喜欢的鳗鱼饭和妈妈喜欢的牛肉饭。餐来了卖相比预期有点落差，用格仔盘装载卖相打了点折扣。板上雪花一口牛．珍珠饭 $65以为系铁板上添，珍珠饭一般唔多圆润烟韧。唔见有洋葱牛肉味道一般而已，没有多惹味，胜在份量唔算少而已。板上蒲烧鳗鱼．珍珠饭 $85鳗鱼好细份好似无左半咁，感觉唔值依个价钱，鳗鱼肉薄身味道一般，烧汁劲少忍唔住走去叫店员加汁，店员都系俾多少少。味噌汤系免费任添的，相信系唯一满意地方，汤有昆布咸度适中味道唔错多几够热。冻柠檬水+冻奶茶跟餐冻饮要加多五蚊，味道不过不失。场内见有充电提供确系贴心服务。